انا باستغرب قوى على الناس اللى ضغطها واطى رلان دوا المرض بسيط و بناخده كل يوم و قدام عنينا
و على العموم ما تتعبش نفسك انا هاقوللك عليه................
فى الصبح و بعد الفطار تاخد المضاد الحيوى {صباح الخير يا ام عتريس} يعنى تتفررج على برنامج صباح الخير
يا مصر و خلى بالك لازم تكون فاطر كويس عشان مايثرش فيك بالسلب.
و على الضهر كده تجيب دوا الاهرام {يعنى جرنال الاهرام} و تقراه كويس قبل ماتاخده
و كل اللى هتقراه عند قرايتك للدواء ان مصر بخير و ميه ميه و من دول العالم الكبرى { كبرى تاخدهم على جنب و تمزمز فى عضمهم} و عندينا الديمقراطيه ميه ميه(عجب عليكى بلد) اننا بنحب الريس مبروك
بتاع الحكم المضروب ده اللى تى شيرته دايما نظيف (قنبله تفرقع فيكم و تنضف البلد منكم)
كده يا سيدى تبقى قضيت نهارك و الضغط بتاعك اتظبط .
نيجى بعد كده بالليل.................
بص بقى يا سيدى الدوا اللى هتاخده دا للاطمئنان على صحتك تاخد برشامة (انت مش فى بيتك) يعنى تتفرج على البيت بيتك انا عارف انكم فاهمين يا جماعه المهم.
و بعد كده يا تاخد البرشامه السحريه اللى بيدوم مافعولها اسبوع كامل و هى؟؟؟؟؟؟؟؟؟؟؟
هاقولك .
ده عباره عن برنامج (حاله حوار) .
تحذيــــــــــــــــــــــــــر هام.
اوعى تتفرج على الررنامج بتاع حاله حوار كله يا تجيلك جلطه
دكتور امتياز
